A ministra de Educación e Formación Profesional, Pilar Alegría, visitou este mércores o Centro de Empresas e Innovación (CEI-Nodus), onde reivindicou a iniciativa local para “apoiar o emprendimiento, xerar emprego e dinamizar a economía”.
Durante a visita, a ministra estivo acompañada pola alcaldesa de Lugo, Lara Méndez, e a subdelegada do Goberno en Lugo, Isabel Rodríguez.
A ministra defendeu o traballo da rexedora para “potenciar un modelo exitoso como este, cun centro que pon o foco en iniciativas locais, apoiando o emprendimiento, xerando emprego e dinamizando a economía lucense”.
Ademais, tanto Alegría como Rodríguez participaron na entrega das distincións aos institutos e Centros de Formación Profesional que participaron no reto ‘Lugo, a cidade que imaxinas e na que queres vivir’ que se desenvolveu no marco do Tour do Talento.
Precisamente aos máis novos dirixiuse a ministra de Educación para lembrarlles que debn ser “conscientes” de que o futuro das cidades está “nas súas mans” e de que eles “poden ser os protagonistas do cambio”. “Debedes ser corresponsables de que tamén sodes cidadáns, cos vosos dereitos e as vosas obrigacións”, remarcou.