Unha manifestación, convocada pola coordinadora Un vento vén, percorrerá este domingo, 21 de maio, as rúas de Lugo para reclamar “unha moratoria eólica inmediata en todo o territorio galego”.
A marcha partirá ás 12,30 horas da Torre da Mosqueira da Muralla baixo a lema ‘O pobo galego unido contra a depredación enerxética. As cidades e o rural xuntas contra ou capital’.
Esta protesta, apoiada por diferentes entidades ecoloxistas e sociais, chama a “avanzar cara a un cambio radical do modelo enerxético, ao servizo das necesidades dos pobos e non dos intereses do capital, no camiño da soberanía enerxética”.
Precisamente, a pasada semana colocáronse máis dunha ducia de aeroxeradores de cartón ante a muralla de Lugo para “denunciar a depredación enerxética” de Galicia.
