Axentes da Policía Local de Lugo tramitaron denuncia contra un condutor por dous delitos contra a seguridade viaria, ao circular sen carné e cun resultado de alcoholemia que superaba en máis de 3 veces o máximo permitido.

Segundo informaron fontes policiais, os feitos ocorreron na rúa Mariña Española, cando unha dotación do 092 observou un coche que circulaba de maneira irregular e deulle o alto. O condutor detívose e saíu do coche, dándose á fuga correndo.

Finalmente, foi interceptado e sometido ao test de alcoholemia, que arroxou un resultado positivo de 0,84 mg/l. Así mesmo, os policías comprobaron que carece de permiso de conducir por suspensión xudicial, e que o coche non ten o seguro obrigatorio.

Por outra banda, tamén interceptado un coche de madrugada na Avenida de Madrid, cuxo condutor emprendeu a fuxida a gran velocidade por San Roque, chegando a circular en sentido contrario e pondo en risco a seguridade doutros condutores e dos peóns.