Un home foi arrestado en Lugo por causar cortes nunha man cunha navalla a outro mozo co que acaba de discutir nun bar da capital luguesa.

Segundo informou este venres a Comisaría Provincial da Policía Nacional de Lugo, os feitos producíronse na madrugada do pasado domingo 30 de abril. O suposto agresor e a vítima atopábanse nun establecemento hostaleiro onde iniciaron unha discusión que derivou nun enfrontamento físico no que o primeiro sacou unha navalla coa que provocou cortes nunha man ao segundo, que tamén sufriu distintos golpes.

Tras a denuncia presentada en comisaría, axentes da Policía Nacional lograron identificar ao presunto autor dun delito de lesións para proceder á súa detención na xornada do pasado xoves. Está previsto que pase a disposición xudicial na mañá do venres.