A Policía Nacional detivo nos últimos días a tres homes como presuntos autores de senllos delitos de tráfico de drogas, no marco dun operativo para detectar puntos de venda de estupefacientes na cidade.

Tal como informou dito corpo de seguridade, os funcionarios encargados da investigación dos delitos relacionados coa saúde pública puxeron fincapé nos lugares e as persoas que se dedican polo miúdo na vía pública.

Como resultado da operación, ata o momento producíronse tres detencións, sempre seguindo o mesmo patrón de comportamento. Así, con contactos “moi breves”, tratando de ocultarse á vista dos demais transeúntes, prodúcese o pase da droga de man a man, mentres se abona o importe tamén en man coa cantidade exacta. Nunha das ocasións, o pase produciuse facendo o intercambio no interior dun vehículo.