InicioCulturaComeza o Arde Lucus Cultural con máis de 50 actividades

Comeza o Arde Lucus Cultural con máis de 50 actividades

O Arde Lucus Cultural arrinca este luns con máis de 50 actividades de inspiración romana e 'castrexa', deseñadas polo Concello de Lugo coa colaboración das 19 asociacións de recreación histórica da cidade, que servirán como antesala á celebración desta festividade declarada de Interese Turístico Internacional.

PUBLICADA O

- Advertisement -

O Arde Lucus Cultural arrinca este luns con máis de 50 actividades de inspiración romana e ‘castrexa’, deseñadas polo Concello de Lugo coa colaboración das 19 asociacións de recreación histórica da cidade, que servirán como antesala á celebración desta festividade declarada de Interese Turístico Internacional.

A alcaldesa de Lugo, Lara Méndez, avanzaba este venres que se trata dunha programación gratuíta, “moi completa e pensada para todos os públicos”, ao que engadía que traballan en “alimentar a recentemente declarada Festa de Interese Turístico Internacional con actividades desde marzo ata xuño”.

Entre as novidades, están a recuperación do taller de creación dun ‘flabellum’ contra a calor que realizará a asociación Kertix e tamén que levarán a cabo talleres, conferencias, microteatros e actividades de asistencia exclusiva para que o alumnado coñeza máis de preto esta festa.

Ademais, dentro da programación inclúese o ciclo de conferencias ‘Gallaecia: pasado común do Noroeste peninsular’ co obxectivo de dar a coñecer o pasado compartido de Galicia e Portugal, para “comprender mellor o presente”. Haberá conferenciantes de toda Galicia e Portugal, como Santiago Ferrer, Fermín Pérez Losada, Rubén Álvarez Asorey, Miguel Sopas de Melo Bandeira, entre outros.

Así mesmo, o Cohors III Lucensium levará a cabo diferentes relatorios no Vello Cárcere, que tratarán temáticas de arquitectura urbana, de medicamento, de arte e aparellos fluviais da conca do Miño, así como unha charla sobre a prostitución, o sexo e a vida multiemocional na antiga Roma, da man de Ana Castro, psicóloga sanitaria e sexóloga. Por outra banda, Senatus Lucus Augusti organizará un ciclo de conferencias sobre a historia de Lugo.

FESTA DA PRIMAVERA

Doutra banda, a Festa da Primavera terá lugar na Horta do Seminario. Alí, as asociacións Civitas Lucensis, Clan De Breogán, Lugdunum, Mercenarios Galaicos e Trebas Galaicas participarán con diferentes talleres en traballos en coiro, barro, cociña e cestaría, pero tamén prepararán unha representación das vodas celtas, das ofrendas e dos rituais inspirados nos antigos poboadores.

Enmarcada nesta programación tamén está incluída a recreación do Natalicio no que participan as asociacións Ara Roma, Asemblearias De Lucus Augusti, Cohors III Lucensium, Garda Pretoriana, Kertix, Lucus Equites, Lucus Icenas Miliatore, Pax Romana, Salesiani Luci Augusti e Senatus De Lucus Augusti.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...