O Quinto Batallón de Intervención en Emerxencias (BIEM V), da Unidade Militar de Emerxencias (UME), realizará, entre o 20 e o 23 de marzo, un exercicio multirrisco encamiñado á instrución e adestramento en diversos tipos de emerxencias, que levará a cabo na provincia de Lugo.
Segundo informa, as prácticas programadas pretenden adestrar ao persoal fronte a inundacións e diversas incidencias derivadas da devandita emerxencia, “afianzando as capacidades operativas do BIEM V”.
“Encamiñadas á evolución e mellora dos seus procedementos, así como actuacións en sismos, espeleosocorro e protección de bens de interese cultural“, engade.
O operativo do BIEM V estará composto por 350 militares e 120 vehículos, entre os que se atopan: autobombas, ambulancias, estacións de transmisións e diversos vehículos pesados e lixeiros.
