Unha persoa faleceu este xoves tras sufrir un accidente co quad que conducía en Friol. Concretamente, os feitos tiveron lugar nunha pista forestal da parroquia de Nodar, no lugar da Travesa de Ladro, uns minutos antes das 19,00 horas desta tarde.
O 112 Galicia tivo coñecemento do accidente nese momento, a través de Urxencias Sanitarias de Galicia-061. Solicitouse entón a intervención da Garda Civil de Tráfico e do GES de Friol-Pas. Os servizos sanitarios nada puideron facer por salvarlle a vida á persoa accidentada.
