Un mozo de 22 anos foi detido pola Garda Civil como presunto responsable dunha agresión cometida contra outro home que denunciou ser vítima dun ataque con arma branca durante unha pelexa iniciada nun local de lecer nocturno de Riotorto.

O suceso tivo lugar na madrugada do pasado 11 de febreiro nun bar de Riotorto, onde os implicados protagonizaron unha liorta, segundo confirmaron fontes do Instituto Armado.

A detención produciuse por mor da denuncia presentada en depedencias da Garda Civil pola vítima, que sufriu feridas nun costado polas que tivo que recibir tres puntos de sutura, como figura nun parte médico.