A Policía Local de Lugo identificou a 16 persoas e levantado tres actas de denuncia nun establecemento hostaleiro que carecía de extintores, seguro e os carteis de información regulamentarios.

Ocorreu na tarde do sábado durante unha inspección nun local da rúa Pintor Luís Seoane. Interviñeron conxuntamente axentes da Policía Nacional e a Local.

Así, o operativo saldouse con 16 persoas identificadas e tres denuncias de acordo coa lei de galega de espectáculos públicos e actividades recreativas, concretamente porque non tiña extintores, nin seguro, nin documentación como follas de reclamacións, carteis co horario de apertura e peche, unha copia da licenza e o que informa da prohibición de venda de alcol a menores.