InicioPolíticaA Deputación de Lugo pídelle á Xunta axudas para facer fronte aos...

A Deputación de Lugo pídelle á Xunta axudas para facer fronte aos danos dos temporais

"cando hai temporais que causan danos nos concellos, é a Xunta a que debe de saír en axuda deses concellos", di Tomé.

PUBLICADA O

- Advertisement -

O pleno da Deputación de Lugo sacou adiante unha moción, do goberno de socialistas e nacionalistas, para reclamar á Xunta de Galicia unha liña de axudas para que os concellos poidan facer fronte aos danos ocasionados polos temporais.

O presidente, o socialista José Tomé, precisou que, con isto, búscase que “a Xunta asuma as súas responsabilidades e as súas competencias”, xa que “cando hai temporais que causan danos nos concellos, é a Xunta a que debe de saír en axuda deses concellos”.

Antes de entrar ao pleno, Tomé afeou que “o que non vale é que todas as administracións estean ao mesmo nivel, porque non todos dispoñen dos mesmos medios, nin das mesmas competencias, nin as mesmas responsabilidades”.

O presidente da Deputación pediu ao PP que “deixe de despistar as responsabilidades, e que lle diga ao Goberno galego que asuma as súas competencias e axude aos concellos afectados polas riadas.Sobre os municipios afectados polos temporais, Tomé sinalou que “basicamente” se concentran na zona da Terra Chá.

“QUE SE APLIQUE A LEI”

Os seus socios de goberno, por medio do portavoz nacionalista Efrén Castro asegurou que se trata dunha “moción lóxica, e na Lei de Galicia está o dos desastres naturais, e todos viron as consecuencias que tiveron os temporais en moitos puntos da provincia e vemos os gastos que tiveron que asumir os concellos e os que tivo que asumir a Deputación”. “Só queremos que se aplique a lei e a Xunta colabore neses gastos que sempre teñen que asumir as corporacións locais”, indicou.

Xa desde o PP, o seu portavoz Javier Castiñeira, condicionaba o seu respaldo a unha emenda pola que se pretende conseguir axudas “de todas as administracións, da Xunta, do Estado e da Deputación de Lugo”.

No mesmo pleno provincial aprobouse tamén unha moción de apoio á manifestación do 12 de febreiro, en apoio á Sanidade Pública, en Compostela.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...