InicioSociedadeO instituto de FP das Mercedes traballa en tres proxectos financiados polo...

O instituto de FP das Mercedes traballa en tres proxectos financiados polo Ministerio de Educación

O delegado do Goberno en Galicia incidiu en que As Mercedes converteuse en "un deses centros que aglutina a rede de centros de excelencia de España".

PUBLICADA O

- Advertisement -

O Centro de Formación Profesional (CIFP) das Mercedes, en Lugo, traballa en tres proxectos financiados con case 800.000 euros polo Ministerio de Educación e FP.

O delegado do Goberno en Galicia, José Miñones, realizou este luns unha visita ao centro acompañado do seu director, José Expósito López, a alcaldesa de Lugo, Lara Méndez, e a subdelegada do Goberno na provincia, Isabel Rodríguez.

O director concretou que estes “proxectos de innovación” do Ministerio trátanse “dun eólico, outro dunha cámara frigorífica de CO2 e unha aula de emprendimiento actualizada e informatizada”.

Pola súa banda, Lara Méndez destacou ao CIFP As Mercedes como un instituto “de alta calidade, onde se vincula a innovación coas novas tecnoloxías e vaise da man do mundo empresarial”.

“O que queremos é que todo o talento que formamos na nosa cidade, teña capacidade de ter oportunidades laborais en Lugo”, subscribiu a rexedora.

Este centro conta con máis dun milleiro alumnos, “un 40 por cento é de xente que vén de fóra, o que fai de Lugo unha cidade atractiva para vir formarse”, presumiu a alcaldesa.

Mentres tanto, o delegado do Goberno en Galicia incidiu en que As Mercedes converteuse en “un deses centros que aglutina a rede de centros de excelencia de España”.

José Miñones asegurou que o Goberno central “está comprometido coa Formación Profesional” e avanzou que se “seguirá apostando con esa lei de FP e a través de investimento”.

“O ano pasado transferimos 87 millóns para FP en Galicia, estamos cun proxecto para 2023 en toda España de 2.400 millóns de euros”, destacou finalmente.

ÚLTIMAS

Coñece a programación da Semana de Cinema de Autor de Lugo: 148 filmes e homenaxe a María Vázquez

Máis de 148 películas formarán parte este mes de setembro da Semana de Cinema de...

Outro incendio rexistrado nunha nave do Ceao provoca cuantiosos danos materiais, aínda que non se rexistran vítimas

Un incendio declarado na noite deste mércores nunha nave do polígono industrial de O...

Vicepresidencia da Deputación de Lugo non dará apoio económico a actividades con participación israelí

A Vicepresidencia da Deputación de Lugo, do BNG, anunciou que non financiará actividades nin...

Detido en Lugo por ameazar con navalla a dous menores que xogaban na rúa

A Policía Nacional detivo en Lugo a un home de 64 anos de idade...