Un mozo foi sorprendido no centro comercial ‘As Termas’ de Lugo roubando unha peza de roupa, que foi recuperada ao momento, segundo infoma a Policía Local.
Ao redor das 11,25 horas, a Policía Local desprazouse ao citado centro comercial ante a alerta de que se produciu un furto. Á súa chegada, comprobaron que os vixiantes de seguridade estaban a custodiar ao presunto autor.
Por outra banda, axentes da Policía Local levaron a cabo unha intervención ese mesmo día, sobre as 11,15 horas, pola caída dunha árbore nunha pista sen asfaltar no lugar de Corvelle. Ao lugar, desprazáronse tamén os bombeiros.
Outra patrulla, sobre as 17,20 horas do mesmo día, desprazouse a un edificio da rúa Anduriñas pola caída dunha chapa metálica dun tellado.
