- Advertisement -
O PP de Lugo rexistrará preguntas en comisión para que o goberno local aclare os motivos polos que supostamente se repartiron agasallos institucionais, nunha bolsa co logotipo do Concello, durante unha “cea privada” á que asistiu o pasado martes, 17 de xaneiro, a alcaldesa, Lara Méndez.
Nun comunicado, os ‘populares’ solicitaron explicacións a Méndez, despois de que ela mesma declarase que “o outro día foi a unha cea e houbo xente que lle mostrou o seu apoio como alcaldesa”.
“Pedimos explicacións de por que se deron durante esa cea con veciños os agasallos de merchandising municipal que se reservan para recepcións ou compromisos municipais”, reivindicaron desde o PP de Lugo.
