Un menor foi atropelado na mañá deste mércores mentres cruzaba por un paso de peóns da Avenida Breogán, na cidade de Lugo.
O suceso tivo lugar ao redor das 08,30 horas da mañá deste mércores. Segundo os servizos de emerxencias, o mozo doíase dunha perna pero estaba fóra de perigo.
O menor dirixíase ao seu centro escolar cando o coche impactou contra el mentres cruzaba seguindo as normas de circulación.
Ata o lugar do accidente desprazáronse efectivos da Policía Local e unha ambulancia, avisados ambos polo particular que conducía o vehículo implicado.
