- Advertisement -
Os Bombeiros de Lugo traballaban este mediodía na extinción dun incendio declarado este xoves na fachada dun edificio do barrio da Residencia.
Segundo informaron desde o 112-Galicia e desde os servizos de emerxencias, o lume iniciouse pasadas as 11,00 horas na fachada dun edificio da rúa Río Ulla, concretamente no número 30.
Segundo as primeiras informacións, as chamas puideron ter a súa orixe nun curtocircuíto dos cables que pasan pola parte baixa da fachada, o que provocou un incendio que afectou o revestimento desta. Ademais, provocou un corte de electricidade que afecta varias vivendas.
Ademais dos Bombeiros para extinguir o lume, ata o lugar desprazáronse efectivos de Policía Nacional e Policía Local. O suceso non causou feridos.
