InicioSociedadeAvogados de Lugo denuncian atrasos de ata un ano na sección civil...

Avogados de Lugo denuncian atrasos de ata un ano na sección civil da Audiencia Provincial

Revelou que "hai moitos recursos de apelación" que "están pendentes de sentenza desde hai un ano".

PUBLICADA O

- Advertisement -

Os avogados de Lugo denunciaron atrasos de ata un ano na sección civil da Audiencia Provincial, tanto é así que “hai moitos recursos de apelación que están pendentes de sentenza”.

O decano do Colexio de Avogados de Lugo, Félix Mondelo, constatou que agora “os problemas” céntranse “na sección civil da Audiencia Provincial”. “Non sabemos os motivos, si é por falta dunha presidencia efectiva por estes movementos no Consello Xeral do Poder Xudicial que non se nomea un titular (na Audiencia de Lugo). Está accidentalmente unha presidenta, e a pesar de que están todas as prazas ocupadas hai un atraso importante”, lamentou.

Mondelo revelou que “hai moitos recursos de apelación”, na devandita sección civil da Audiencia Provincial de Lugo, que “están pendentes de sentenza desde hai un ano”.

“A sección penal da Audiencia funciona como un tiro, funciona moi ben, pero coa sala civil estamos a ter moitos problemas”, reiterou o decano dos avogados lucenses.

Do resto, Félix Mondelo celebrou que “agora practicamente a planta xudicial está bastante ben aquilatada” en Lugo, “co novo xulgado de primeira instancia, agora hai catro do social, tres de instrución e dúas de penal”. No entanto, a pesar deste “bo” funcionamento destes xulgados “algún pode ter algún atraso”, conclúe o letrado lucense.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...