InicioPolíticaElena Candia critica "o Lugo de dúas velocidades de Lara Méndez"

Elena Candia critica “o Lugo de dúas velocidades de Lara Méndez”

Segundo o seu xuízo, os veciños de Fervedoria e do Sacro Corazón quéixanse do "abandono" que sofren

PUBLICADA O

- Advertisement -

A candidata do PP á Alcaldía de Lugo, Elena Candia, criticou o “Lugo de dúas velocidades de Lara Méndez”, xa que, ao seu xuízo, prioriza o barrio multiecológico e abandona outras zonas como o Sacro Corazón.

Candia insistiu en que é urxente dignificar o acceso a Lugo pola Fervedoira, unha actuación “moi necesaria”, entre outros motivos, “por seguridade para os veciños” e “por imaxe”.

Nunha reunión cos veciños no marco do os encontros abertos #ObxectivoLugo, segundo destacou o PP, os veciños sinalaron que esta intervención “non se pode demorar máis tempo” porque o acceso pola Fervedoira “desemboca nas inmediacións da que será a futura estación intermodal” e, ademais, aseguraron que entraña “un risco inxustificable para veciños, peóns e usuarios do transporte urbano”.

Outra queixa xeneralizada do Sacro Corazón, engadiron os populares, é o abandono que, na súa opinión, sofre o barrio. “Nos últimos anos abandonáronse moitas casas no barrio, houbo un peche xeneralizado de negocios e repítense de forma periódica episodios de okupacións”, insistiron.

Por outra banda, veciños do barrio tamén mostraron “un gran descontento pola inacción do goberno local” respecto ao “desbloqueo da construción dun novo Centro de Saúde”.

Ademais, criticaron a “falta de mantemento e de limpeza na zona” e, en especial, no Parque do Sacro Corazón, onde tamén reclamaron “máis árbores e un muro de seguridade”.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...