A alcaldesa de Lugo, Lara Méndez, comentou que calcula que nun prazo de seis meses estará demolido o Garañón, tras ser adxudicado este xoves o contrato para a derriba na Xunta de Goberno Local.

“Eses son os prazos, un mes para a entrega do proxecto, e catro meses como máximo para a demolición. Entramos nesa fase final, nesa realidade que xa anunciei no ano 2017 de non seguir co procedemento xudicial e que non ía recorrer máis sentenzas”, concretou.

Lembrou que xa en 2017 perseguía “derrubar as torres” e “recuperar esa zona”, onde se sitúa o inmoble que foi xudicializado no seu día aos pés do Parque Rosalía de Castro.

Ademais subliñou que, no anterior mandato, o seu foi “o único grupo que apostou realmente por converter aquela zona nunha zona verde, ao que hoxe súmase o resto dos partidos políticos”.

“Nós tiñámolo claro, que queriamos aproveitar esa circunstancia para reverter esa zona e convertela nun pulmón verde de Lugo, seguir conectando o río Miño coa cidade e seguir ampliando as zonas verdes”, expuxo finalmente a alcaldesa. Para a demolición destas torres do Garañón, o concello de Lugo destinará algo máis de 578.000 euros.