InicioPolíticaO primeiro Plan de Igualdade da Deputación de Lugo chega o martes...

O primeiro Plan de Igualdade da Deputación de Lugo chega o martes ao pleno

PUBLICADA O

- Advertisement -

Deputación de Lugo levará ao próximo pleno ordinario, que se celebrará o martes 27 de decembro, a aprobación do seu primeiro Plan de Igualdade de Oportunidades entre Mulleres e Homes, que conta co apoio das tres forzas políticas da institución provincial.

Segundo destacou, este proxecto, asinado polas catro organizacións sindicais representadas na Deputación, contempla sete eixos de actuación que abarcan todos os ámbitos, como o proceso de selección de persoal e contratación, clasificación profesional, formación ou comunicación, ou linguaxe non sexista.

Ademais, tamén inclúe a política salarial, ordenación de tempo de traballo e conciliación familiar ou a baixa representación feminina e prevención do acoso sexual ou por razóns de sexo.

En relación a isto, a deputada de Réxime Interior, Pilar García Porto, sinalou que se trata dun documento que “permite avanzar” e poderá modificarse cando sexa necesario.

Neste senso, García Porto destacou os “bos resultados” obtidos no informe do estudo inicial realizado pola institución provincial, aínda que engadiu que “aínda é necesario seguir traballando para modernizar un sistema de xestión que garanta unha estrutura e relacións coa sociedade guiadas pola igualdade de xénero”.

Así, unha vez aprobado no pleno, o primeiro Plan de Igualdade de Oportunidades entre Mulleres e Homes entrará en vigor ao día seguinte da súa publicación no Boletín Oficial da Provincia.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...