As rúas de Lugo contarán con máis axentes da Policía Nacional durante o Nadal debido á campaña ‘Comercio Seguro’, que organizou a propia Policía.

Este plan foi presentado este luns na tenda Josbe Fotografía, na rúa da Raíña, coa presenza da subdelegada do Goberno en Lugo, Isabel Rodríguez, a concelleira no concello de Lugo Ana González Abelleira e o comisario xefe, José María Esteban.

A subdelegada, Isabel Rodríguez, precisou que se trata da campaña de Nadal que organiza a Policía Nacional para que tanto os comerciantes como os clientes, nestas datas nas que se prevé máis actividade comercial, “estean máis seguros” e tamén “para a prevención de furtos”.

Deste xeito, haberá “un aumento da vixilancia policial, tanto de paisano como de uniforme para que comerciantes, visitantes e cidadáns de Lugo sentan máis seguros á hora de realizar as compras”.

Esta campaña estenderase ata o 8 de xaneiro e exponse, asegurou, “para dar máis seguridade e que ante calquera dúbida avísese á Policía para evitar furtos, roubos con intimidación ou calquera problema que poida xurdir”.