A comunidade marroquí afincada en Lugo, que supera os 2.000 cidadáns –segundo o INE–, boa parte deles oriúndos do barrio da Milagrosa, celebraron a vitoria da súa selección nacional contra o combinado de España no Mundial, o que lle supuxo o seu pase a oitavos de final por primeira vez na súa historia.

Un día despois da eliminación de España e destas celebracións, a alcaldesa de Lugo, Lara Méndez, celebrou a ausencia de incidentes na cidade.

Así, constatou que a comunidade marroquí, do mesmo xeito que calquera outro club de fútbol, saíu a celebrar a vitoria e a “gozalo nas rúas”, como “fixeron onte” (por este martes). “Trátase dunha comunidade moi integrada na cidade, unha cidade moi plural, unha cidade multicultural e só queda felicitar á comunidade marroquípor ese éxito de pasar á seguinte rolda, que nós non puidemos (por España)”, subliñou.

Os magrebís na cidade de Lugo constitúen un dos colectivos máis numerosos, con 2.221 censados, segundo o Instituto Nacional de Estatística, nunha gran maioría residen no barrio da Milagrosa.