InicioEconomíaConcentración da CIG para reclamar que se reúna a comisión do convenio...

Concentración da CIG para reclamar que se reúna a comisión do convenio para transporte de viaxeiros por estrada de Lugo

En palabras da CIG, o persoal de sector "pode contrastar" que existe unha "clara indiferenza das partes da comisión negociadora para que o convenio evolucione".

PUBLICADA O

- Advertisement -

A CIG realizou este luns a súa primeira concentración para demandar a reunión da comisión negociadora do convenio do sector de transporte de viaxeiros por estrada da provincia de Lugo.

Segundo informou nun comunicado, a central busca retomar a negociación do convenio sectorial de viaxeiros na provincia de Lugo, para loitar contra “a precarización e perdida do poder adquisitivo” do seu persoal.

Este convenio tiña vixencia ata o ano 2015. Con posterioridade ao conflito xerado na folga do sector a nivel galego polos novos contratos produciuse un acordo marco para o sector en 2017 que determinou a actualización das táboas salariais deste convenio para os anos 2016 e 2017, segundo apunta a organización.

Despois, en marzo de 2019 produciuse a constitución da mesa negociadora e desde ese momento non se avanzou e a CIG denuncia “parálise”.

Desta forma, remarca que no ámbito social é “destacable” a acumulación do diferencial negativo para o persoal do sector do IPC reais dos anos 2018 a 2021, que supoñen un 8,5% de perdida do poder adquisitivo nos salarios e que, na actual situación “ten que ser un claro obxectivo a superar” no proceso da negociación colectiva.

Fronte a isto, en palabras da CIG, o persoal de sector “pode contrastar” que existe unha “clara indiferenza das partes da comisión negociadora para que o convenio evolucione”.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...