O presidente estatal do PP, Alberto Núñez Feijóo, e líder autonómico e titular da Xunta, Alfonso Rueda, arrouparán este sábado a Elena Candia como candidata á Alcaldía na ‘pulpada’ que organizan os populares lucenses.

Segundo informou o PPdeG nun comunicado, está previsto que asistan unhas 700 persoas e a recepción dos asistentes será ás 13,00 horas. Unha media hora despois comezarán as intervencións dos líderes populares. No acto tamén estará a secretaria xeral dos populares galegos, Paula Prado, entre outros.

30 EUROS POR INVITACIÓN

O prezo dos cartóns para asistir a esta ‘pulpada’ é de 30 euros, un encontro gastrónomico que organizan tradicionalmente no PP de Lugo e que ten “o interese engadido”, remarcan os populares, de producirse a meses das eleccións municipais de 2023.

O PP de Lugo destaca que Candia, como candidata, “mantén intensos contactos” con todos os sectores sociais do concello de Lugo e desenvolve o seu a maneira de entender a política que é “aplicar o sentido común e estar aberta aos bos consellos que lle dan os veciños”.