O pai de Desirée Leal, a nena asasinada en maio de 2019 en Muimenta pola súa nai, Ana Sandamil, urxiu este mércores a resolución do Tribunal Superior de Xustiza de Galicia (TSXG) en relación ao recurso presentado pola muller contra a condena a prisión permanente revisable que lle impuxo a Audiencia Provincial.
José Manuel Leal aprema ao fallo do tribunal galego, e así parafraseou un refrán, no sentido de que “o que espera desespera”, tras case un mes desde que se sometese a análise dito recurso.
O pai de Desirée lembrou que a nai da súa filla foi condenada a prisión permanente revisable e espera que o castigo “se manteña”. “Pero aí está a incerteza e pensando no futuro, porque quedaría o Tribunal Supremo”, dixo. De feito, deu por feito que Sandalmil recorrerá ante o Supremo porque “non ten nada que perder”.
