- Advertisement -
A Garda Civil de Lugo detivo tres persoas nos municipios de Ribadeo, A Fonsagrada e Guitiriz ás que constaban requirimentos xudiciais.
Segundo trasladou o Instituto Armado na provincia luguesa, o detido en Guitiriz ten 54 anos e cónstalle unha requisitoria procedente do Xulgado do penal número 2 de Lugo.
O arrestado en Ribadeo, de 34 anos, estaba buscado por tres asuntos pendentes xestionados nos xulgados de Ferrol e Mondoñedo.
Ademais, un veciño da Fonsagrada de 66 anos foi arrestado por unha requisitoria de ingreso en prisión emitida polo Xulgado número 1 do Penal de Lugo.
Unha vez localizado e detido, este home foi posto a disposición xudicial e trasladado ao centro penal de Bonxe.
