InicioPolíticaO BNG critica o proxecto para construír vías de servizo aos lados...

O BNG critica o proxecto para construír vías de servizo aos lados da N-6 en Outeiro de Rei: “Dividirá a poboación en dous”

Néstor Rego preguntará ao Goberno sobre o proxecto.

PUBLICADA O

- Advertisement -

O deputado do BNG no Congreso, Néstor Rego, visitou Outeiro de Rei e desde alí avanzou que presentará iniciativas para coñecer a posición do Goberno central sobre o proxecto de construción de vías de servizo a ambos os dous lados da N-6 elaborado polo Concello, dirixido polo PP.

Para Rego, o plan do goberno local suporá “dividir en dous a poboación e deixar os veciños sen alternativas de paso”, o que levaría tamén, segundo denuncia, a destrución de edificios públicos e vivendas.

“Rexistramos preguntas no Congreso para coñecer a opinión do Goberno do Estado sobre o proxecto formulado polo Concello de Outeiro de Rei. O Ministerio de Transportes, Mobilidade e Axenda Urbana debe explicar se comparte e apoia esta idea ou está ao lado do conxunto dos veciños que se mostraron contrarios”, insistiu.

O partido nacionalista reclama a humanización da estrada para dotala de beirarrúas adecuadas, senllas peonís e equipamento necesario para mellorar a seguridade, como rotondas, semáforos e sinalización. Así mesmo, unha vez finalizada a obra, o Bloque aposta pola transferencia do tramo urbano ao Concello.

ÚLTIMAS

A Deputación de Lugo aproba a entrega do novo polígono industrial de Cospeito e a ampliación dos hortos urbanos do río Rato

A Xunta de Goberno da Deputación anunciou este venres a aprobación do "último paso administrativo"...

A asociación Lugo Monumental pide que non se afesten servizos públicos do centro, como a Comisaría

A asociación Lugo Monumental dirixiuse ao Concello, á subdelegación do Goberno e ao Ministerio...

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...