InicioSociedadeFriol mantén a recompensa de 6.000 euros para quen atope o veciño...

Friol mantén a recompensa de 6.000 euros para quen atope o veciño desaparecido hai mes e medio

O alcalde de Friol constata que a "familia se atopa esnaquizada" e lamenta que polo momento non haxa "ningún indicio" do seu paradoiro.

PUBLICADA O

- Advertisement -

O Concello de Friol mantén activa a recompensa de 6.000 euros que se ofreceu a aquel que atopase o veciño da parroquia de Carballo, José Luís Iglesias, en paradoiro descoñecido desde hai mes e medio.

O alcalde de Friol, José Ángel Santos, asegurou que os labores de procura “se realizan con máis intensidade o fin de semana, e entre semana quen quere facelo tamén o fai”.

No entanto, insistiu en que “de maneira máis organizada e intensa séguese co operativo o sábado e os domingos, pero ata a data non hai nada novo que contar”, sinala Santos. Ata o momento “non hai nin un indicio, nin unha proba que indique que poida estar nunha zona en concreto”.

O alcalde de Friol constatou que a “familia se atopa esnaquizada porque pasa o tempo e non aparece José Luís”. “A esperanza é o último que se perde e imos ser os últimos en perdela”, desexou.

Así, José Ángel Santos puntualizou que “segue activa a recompensa”, de seis mil euros que achegan tanto o Concello como a familia para dar con José Luís Iglesias, coa esperanza de que isto “leve a colaborar a máis xente, sobre todo xente formada neste tipo de operativos”, conclúe.

ÚLTIMAS

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Ratifican sete meses de cárcere para unha nai de Lugo que impediu visitas ao seu fillo por parte dos avós

O Tribunal Supremo confirmou a condena a unha muller de Lugo por un delito...

Finalizan as obras para mellorar o sistema de saneamento do Cebreiro

A Confederación Hidrográfica do Miño-Sil (CHMS), organismo autónomo dependente do Ministerio para a Transición...

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...