InicioPolíticaA Xunta avanza que o proxecto para concluír a rolda este de...

A Xunta avanza que o proxecto para concluír a rolda este de Lugo sairá a información pública neste 2022

Tratarase dunha sección de calzada de dous carrís, unha autovía urbana, con mediana e con diversas estruturas específicas dada a topografía do lugar.

PUBLICADA O

- Advertisement -

O director da Axencia Galega de Infraestruturas, Francisco Méndez, avanzou que o proxecto para acometer as obras que finalicen a rolda este de Lugo sairá a información pública antes de que acabe este ano 2022.

Así o confirmou na Comisión 2ª de Ordenación Territorial, Obras Públicas, Medio Ambiente e Servizos do Parlamento de Galicia, onde compareceu a petición do grupo popular.

Menéndez explicou que se trata de 2,8 quilómetros entre a estrada da Fonsagrada e o Nacional V, “o treito que falta para pechar o recinto de circunvalación de Lugo”. “O primeiro tramo xa está en marcha e en 2022 contábase cunha partida orzamentaria específica para avanzar, que terá continuidade agora coa dotación plurianual necesaria”, explicou.

Tratarase dunha sección de calzada de dous carrís, unha autovía urbana, con mediana e con diversas estruturas específicas dada a topografía do lugar que, esperan, reduza ao mínimo o impacto paisaxístico.

Desta “actuación prioritaria”, tal e como a definiu o director xeral, xa está definida a nova proposta de trazado, que supervisan técnicos da Axencia Galega de Infraestruturas “para sometela a información pública a efectos da Lei de Estradas e de expropiacións antes de que finalice o ano”.

Na primavera de 2023 espérase, apunta, que se aprobe o expediente de información pública e o proxecto de trazado, “aínda que serán necesarios os informes das administracións afectadas, que esperamos que sexan áxiles”.

Así, a mediados do ano que vén convocaríanse os levantamentos de actas previas e a ocupación das expropiacións, “mentres se traballa no proxecto de construción para poder proceder á licitación das obras”. A dotación orzamentaria, sinala tamén, permitirá afrontar o custo das expropiacións, valoradas no proxecto en dous millóns de euros.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...