InicioSociedadeO modelo de residencias da Deputación presentado en Bruxelas

O modelo de residencias da Deputación presentado en Bruxelas

Segundo informa a institución provincial, estas liñas de traballo "recibiron unha moi boa acollida polas súas características xa que son replicables noutros territorios da Unión Europea".

PUBLICADA O

- Advertisement -

O deputado de Promoción Económica e Social da Deputación de Lugo, Pablo Rivera, presentou este xoves as políticas sociais polas que aposta o organismo provincial na Semana Europea das Rexións e Cidades, que se celebra estes días en Bruxelas. Especialmente fixo fincapé no seu modelo de residencias.

Segundo informa a institución provincial, estas liñas de traballo “recibiron unha moi boa acollida polas súas características xa que son replicables noutros territorios da Unión Europea”.

O deputado provincial fixo, na súa presentación, unha fotografía da provincia de Lugo desde diferentes ópticas para explicar as motivacións que levaron á Deputación a apostar por un modelo propio de centros de atención a maiores.

“O noso reto consiste en ser capaces de facilitar o acceso a uns servizos públicos de calidade e innovadores á marxe do seu lugar de residencia“, indicou.

“Como defensor do municipalismo, creo firmemente que Europa responde mellor a estes retos cando aposta por reforzar as súas rexións e municipios xa que as entidades locais son as únicas capaces de garantir que os programas europeos cheguen de verdade aos seus destinatarios, á cidadanía”, manifestou na súa exposición.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...