InicioSociedadeA Asociación Si, Hai Saída remite unha carta a Grande-Marlaska na que...

A Asociación Si, Hai Saída remite unha carta a Grande-Marlaska na que alerta dun repunte de violencia machista

A presidenta da entidade lucense denuncia que hai "falta de seguimento" a vítimas e agresores.

PUBLICADA O

- Advertisement -

A Asociación Sí, Hai Saída, contra a violencia de xénero, remitiu unha carta ao ministro do Interior, Fernando Grande-Marlaska, na que alerta dun repunte de casos de agresións machistas. A presidenta desta organización lucense, Marta Rodríguez Engroba, dixo que o que expoñen ao ministro é “o que nos empeñamos en ignorar e ninguén se atreve a nomear”.

E é que “cada vez son máis os casos nos que había denuncia previa, mesmo había orde de afastamento ou a vítima estivera no sistema de seguimento Viogen e un día deixaron de estalo”. En paralelo, “hai unha gran problemática en canto á violencia de xénero en xeral e o repunte de casos de agresións a mulleres é obvio que está aí”.

Marta Rodríguez Engroba lamentou que “os casos van en aumento pero sistematicamente ignórase”. “Aí está o problema”, protestou a activista lucense.

A presidenta de Sí, Hai Saída insistiu en que, “no momento en que se pon a denuncia, hai falta de seguimento tanto á vítima como ao agresor”. “Sinxelamente, séguese baseando a elección en axentes que se encargan da asistencia e da protección ás mulleres e aos fillos e noméanse baixo criterios policiais, o cal é demencial“, censurou.

Sobre todo, puxo o acento en que esta situación se repite bastante “nas comisarías da Policía Nacional”, para seguidamente queixarse de que, por exemplo, a relación desta asociación coa comisaría de Lugo “é practicamente nula”. Neste sentido, explicou que hai elementos básicos, que non se respectan, como “a empatía, sensibilidade e a vocación de non regatear tempo a esas mulleres que van pór a denuncia”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...