InicioSociedadeO Concello de Lugo volverá licitar os novos espazos verdes da Garaballa...

O Concello de Lugo volverá licitar os novos espazos verdes da Garaballa polo aumento de prezos

A inflación foi unha das principais causas desta subida de prezos, que disparou o custo de determinados materiais de construción ata un 50%

PUBLICADA O

- Advertisement -

O Concello de Lugo volverá licitar a execución dos novos espazos verdes previstos na contorna da Garaballa ante o elevado incremento que experimentaron os custos de produción e despois de que a Xunta de goberno local autorizase a resolución do anterior contrato.

Tal como explicou este xoves o tenente de alcalde, Miguel Fernández, a inflación foi unha das principais causas desta subida de prezos, que disparou o custo de determinados materiais de construción ata un 50% no último ano.

“Un factor ao que cabe engadir que a madeira que utilizamos, que dispón de certificación forestal, está a experimentar unha dinámica de crecemento debido tamén á altísima demanda que existe ante a súa versatilidade e rango de aplicacións”, subliñou. O concelleiro lembrou que a obra fora adxudicada á UTE formada polas empresas Citanias Obras e Servizos e Mantemento Forestal.

“Dispuñan dun prazo de cinco meses para executar os traballos: a creación de 1,2 hectáreas de terreo destinadas a zonas verdes, dun elevado valor paisaxístico que foron deseñadas con criterios de harmonía e beleza dentro das que se incluían diferentes áreas axardinadas que potencien a biodiversidade e estimulen os sentidos”, destacou. Con todo, o encarecemento dos prezos obrigou á administración local a retrotraer o procedemento para adaptar o orzamento á realidade actual.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...