O condutor dun vehículo resultou ferido e tivo que ser excarcerado polos bombeiros despois de saírse da vía no punto quilométrico 4 da estrada LU-P-4304, ao seu paso polo municipio lucense do Páramo.
Segundo comunicou o 112 Galicia, que tivo coñecemento dos feitos a través da chamada dun particular, o accidente produciuse sobre as 08,00 horas deste martes.
O alertante sinalaba na súa comunicación coa central de emerxencias que no interior do vehículo viaxaba un único ocupante que tiña dificultades para saír do coche accidentado.
Con esta información, o persoal do Centro Integrado de Atención ás Emerxencias de Galicia solicitou a intervención de Urxencias Sanitarias de Galicia-061, da Garda Civil de Tráfico e dos Bombeiros de Sarria, que empregaron material de excarceración para liberar á persoa ferida.
