InicioSociedadeReducción da anchura do canal e eliminación de tapóns e restos de...

Reducción da anchura do canal e eliminación de tapóns e restos de madeira, as medidas tomadas no río Asma para evitar inundacións

A obturación do río Asma, sinala o organismo, é un fenómeno que se repetiu ao longo dos anos desde que levou a cabo a canalización do mesmo ao seu paso pola localidade de Chantada

PUBLICADA O

- Advertisement -

A Confederación Hidrográfica do Miño-Sil (CHMS) iniciou a limpeza da canle e marxes do río Asma ao seu paso polo municipio lucense de Chantada, o que implica o acondicionamento de 1,3 quilómetros de canle urbana para evitar inundacións e avenidas.

Na inspección previa observouse a necesidade de mellorar a capacidade hidráulica da canle e a composición da vexetación de ribeira. Ademais, detectouse a presenza abundante de madeira e tapóns illados ao longo de todo o tramo urbano.

A obturación do río Asma, sinala o organismo, é un fenómeno que se repetiu ao longo dos anos desde que levou a cabo a canalización do mesmo ao seu paso pola localidade de Chantada, dada a “proliferación excesiva de vexetal ripario e especies potenciadoras da sedimentación, que forman densas redes coa consecuente redución do fluxo de auga circulante”.

Para naturalizar a canle e conseguir unha situación de acondicionamento duradeiro, reducirase a anchura actual do río de augas baixas, o que permitirá recuperar unha velocidade maior, eliminando as zonas artificiais de sedimentación para convertelas en zonas de transporte e, en consecuencia, evitar o acúmulo de sedimentos e a consecuente proliferación de especies heliófilas no centro da canle.

Por outra banda, procederase á eliminación de tapóns e restos de madeira presentes ao longo de todo o tramo de actuación, realizaranse rozas e resalveos selectivos en dominio público hidráulico e zona de servidume nos puntos nos que a vexetación invada a canle.

ÚLTIMAS

A Deputación de Lugo acusa os bombeiros de incumprir servizos mínimos en Vilalba e ameaza con accións xudiciais

A Deputación de Lugo acusa os bombeiros do parque de Vilalba de incumprir os servizos mínimos...

O PP de Lugo presenta trinta propostas para os orzamentos municipais de 2024

A presidenta do PP de Lugo, Elena Candia, explicou a batería de propostas que...

Un condutor dá positivo en alcol e drogas tras sufrir un accidente en Lugo

Axentes da Policía Local de Lugo foron mobilizados en pasado martes por mor dun accidente de tráfico rexistrado...

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...