InicioLugo e contornaLugoLugo prevé dicir adeus ao Garañón nun prazo máximo de dez meses

Lugo prevé dicir adeus ao Garañón nun prazo máximo de dez meses

O Concello emite finalmente a orde de demolición do inmoble.

PUBLICADA O

- Advertisement -

O Concello de Lugo emitiu a orde de demolición do Garañón, outorgando á propiedade un prazo de dous meses para que presente o proxecto de execución destes traballos, tal e como anunciou a alcaldesa, Lara Méndez.

“De non acatar este imperativo, a Administración local asumirá os traballos subsidiariamente, para o que, xa no pasado mes de xullo, demos inicio ao expediente de contratación correspondente que nos permitirá ter avanzada a tramitación necesaria para cumprir, canto antes, a sentenza que obriga a repor a legalidade urbanística na contorna”, sinalou a alcaldesa.

A actuación constata o compromiso dado por Lara Méndez, xa durante o anterior mandato, de converter este espazo nun pulmón verde urbano “que conectará cun dos parques máis emblemáticos da capital como é o Rosalía de Castro”. Con iso, engade a rexedora, dáse resposta “a unha demanda social, ampliando o cinto natural de Lugo, axudando a integrar o río Miño na cidade” de forma “coherente co modelo sustentable” que o goberno local impulsa desde 2015.

Méndez lembrou que a licitación, “cuxo valor estimado ascende a 965.000€”, abarca a redacción dun proxecto visado de obras completo de demolición pero tamén a reposición ao estado orixinal dos terreos, a execución das obras, así como a dirección facultativa necesaria das mesmas que inclúe todo o edificado sen título habilitante”.

A alcaldesa fixo fincapé en que os pregos recollen dous prazos diferenciados para asumir os labores, establecéndose un de 2 meses para entregar o proxecto completo e outro de 8 para materializar a demolición.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Olano censura que Sánchez deixe a Lugo sen alta velocidade e “obrigue a Tomé a contar unha mentira que non cre ninguén”

O deputado por Lugo no Congreso Jaime de Olano censurou este xoves que o Goberno que dirixe Pedro Sánchez...

Un home acusado de abusar sexualmente da súa filla en Vilalba nega os feitos: “Nunca a toquei”

A Audiencia Provincial de Lugo acolleu este xoves a celebración do xuízo contra un...