InicioPolíticaO PSOE de Lugo defenderá na Deputación unha moción contra a lei...

O PSOE de Lugo defenderá na Deputación unha moción contra a lei da auga da Xunta

O grupo socialista considera que a lei supón "unha extorsión aos concellos" porque, na súa opinión, "só aqueles que lle cedan a xestión da auga á Xunta recibirán investimentos nas infraestruturas da rede de augas e depuración".

PUBLICADA O

- Advertisement -

O grupo socialista da Deputación de Lugo mostrou o seu rexeitamento á Lei do Ciclo Integral da auga da Xunta de Galicia, aprobada polo Partido Popular, xa que consideran que “vulnera a autonomía local e sobe o recibo da auga dos fogares galegos un 61%”.

Por iso, nun comunicado, avanzou que este martes defenderá no pleno da Deputación unha moción para reclamar ao Goberno galego un Plan Estratéxico consensuado coa Federación Galega de Municipios e Provincias (Fegamp) no que “se contemplen as infraestruturas, o territorio, as contías, o financiamiento e as datas de execución”.

Para os socialistas, a administración autonómica busca “impor” un modelo no que “marca condicións e aos concellos só lles queda adherirse e pagar, ou quedar fóra e asumir toda a xestión do ciclo da auga no seu territorio”.

Ademais, solicitou tamén que se garanta un mínimo de retorno do canon que pagan os concellos para o abastecemento e saneamento da auga, que calquera iniciativa no ámbito da subministración e saneamento se adopte coa opinión dos concellos, as deputacións e a Fegamp, e que o desenvolvemento das infraestruturas necesarias non supoñan un incremento sobre o prezo que pagan actualmente os fogares galegos pola auga.

Así mesmo, os socialistas sinalaron nun comunicado que a conselleira de Infraestruturas, Ethel Vázquez, presentara no ano 2019 un informe sobre a “problemática e situación da prestación dos servizos de saneamento en Galicia”, no que, segundo destacou o PSOE lucense, “cargaba sobre os concellos todas as culpas das deficiencias nas infraestruturas necesarias para desenvolver unha xestión eficiente do ciclo da auga e propuña a creación dunha Sogama da auga”.

Denuncian tamén que a nova lei “crea tres novas taxas” e na memoria económica a Xunta “contempla unha subida nos ingresos de50 millóns de euros ao ano”. Así, tras analizar 74 ordenanzas fiscais de concellos galegos, os socialistas conclúen que, de media, “cada fogar galego terá que pagar 33 euros máis ao ano no recibo da auga”.

Así mesmo, consideran que a lei supón “unha extorsión aos concellos” porque, na súa opinión, “só aqueles que lle cedan a xestión da auga á Xunta recibirán investimentos nas infraestruturas da rede de augas e depuración”. “É un novo atropelo da autonomía local e un ataque á libre competencia”, ha. censurado.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...