Un total de catro senderistas contactaron na noite do luns co 112 para alertar de que se perderon cando realizaban unha ruta sen sinalización en Cereixedo, municipio de Cervantes.
Un dos implicados contactou chamou ao 112 ás 21,50 horas. Indicaban que eran catro persoas as que facían unha ruta e que se perderon. Dixo que unha muller sufrira unha caída e que tiña dificultades para camiñar.
O envío das coordenadas do alertante facilitou aos axentes a súa localización. Foron avisados, entre outros, Garda Civil, Protección Civil, 061. Tras ser localizados, os axentes confirmaron que as persoas se atopaban en bo estado, no medio do monte, polo que se descartou a intervención dos profesionais sanitarios.
