InicioSociedadeCitan declarar o pai de Desirée por supostas ameazas ao noivo de...

Citan declarar o pai de Desirée por supostas ameazas ao noivo de Ana Sandamil, condenada polo crime

José Manuel Leal asegura estar "tranquilo" ante esta denuncia.

PUBLICADA O

- Advertisement -

O pai da nena Desirée, José Manuel Leal, foi citado a declarar o próximo 19 de xullo por un xulgado de Lugo por supostas ameazas ao noivo de Ana Sandamil, condenada polo crime da súa filla en Cospeito en maio de 2019.

José Manuel Leal está chamado aos xulgados de Lugo un día despois de que o próximo 18 de xullo se celebre no Tribunal Superior de Xustiza de Galicia (TSXG), na Coruña, a vista do recurso polo crime que presentou a que fora parella do pai de Desirée.

En concreto, Ana Sandamil foi condenada a prisión permanente revisable pola Audiencia Provincial de Lugo despois de que un xurado popular emitise un veredicto de culpabilidade sobre o asasinato da pequena, que tan só contaba con sete anos de idade cando foi brutalmente asasinada na casa da nai en Muimenta.

José Manuel Leal confesou, ante a denuncia da parella de Sandamil, que está “moi tranquilo“, á vez que nega calquera tipo de ameaza cara a ese individuo.

Ademais, constatou que o denunciante “vai levar dúas testemuñas, que non teñen veracidade ningunha”. Así, dixo que “unha é a amiga do monstro”, en referencia a Ana Sandamil, e outra “unha amiga da avoa”. “Irán declarar mentiras, como xa fixeron no xuízo na audiencia en que o único que foron a dicir é que era moi boa (Ana Sandamil), mesmo falaron mal do meu. Como dixen no xuízo, teñen as mans manchadas de sangue ao defender a unha asasina”, clamou.

Do recurso, José Manuel Leal exteriorizou que espera que “se siga mantendo a condena imposta pola sección segunda da Audiencia Provincial de Lugo, con xurado popular”, de prisión permanente revisable.

“Non vexo ningunha circunstancia para que se modifique a condena. A sentenza é clara, de feito o xurado a maioría menos un, votaron a favor desa condena. O que pasa é que un sempre está con esa incerteza e ata que pase o proceso non estarei tranquilo. Oxalá siga todo igual”, desexou.

O xuízo polo asasinato de Desirée celebrouse nas primeiras semanas de febreiro deste ano, onde se constataba que a pequena morrera por asfixia o mesmo día que a tiña que recoller o seu pai dentro do réxime de visitas establecido con Sandamil.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...