InicioEconomíaA Deputación de Lugo destinará 83.000 euros para asociacións que traballan nas...

A Deputación de Lugo destinará 83.000 euros para asociacións que traballan nas reservas da biosfera

García Porto destaca que se aprobaron "convenios de colaboración" con dous concellos: Pol e A Pastoriza.

PUBLICADA O

- Advertisement -

A portavoz socialista do goberno da Deputación de Lugo, Pilar García Porto, anunciou tras a xunta de goberno que se acordou destinar 83.000 euros en liñas de axudas para 27 asociacións que traballan nas dúas reservas da biosfera da provincia.

Unha aprobación de “forma provisional das asociacións beneficiarias da liña de axudas que se convocou por un importe total de 83.000 euros, para impulsar o territorio das reservas da provincia, que dependen da Deputación, que son Terras do Miño e Os Ancares Lucenses e Montes de Cervantes, Navia e Becerreá”, detallou en rolda de prensa.

“Este ano convocamos por segunda vez, por segundo ano consecutivo, estas liñas de subvencións onde resultaron beneficadas 27 entidades asociativas; 16 corresponden a Terras do Miño e 11 a reservas dos Ancares Lucenses”, puntualizou Pilar García Porto. Desde este momento ábrese un “prazo de alegacións de dez días de duración, unha vez se publique esta resolución no Boletín Oficial da Provincia de Lugo”.

“O que buscamos con estas axudas é apoiar desde a deputación o tecido asociativo que traballa nesas reservas para que así poida desenvolver actuacións, proxectos vinculados ao medio ambiente, ao rural, que pon en valor patrimonial, cultural e paisaxístico estes territorios”, subliñou.

Polo demais, tamén Pilar García Porto destacou que se aprobaron “convenios de colaboración con dous concellos; con Pol e A Pastoriza, para que poidan prestar máis e mellores servizos aos seus veciños, respondendo desta forma á función esencial da deputación que é cooperar” cos municipios.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...