Un veciño de Lugo (R.N.) aceptou dous anos de prisión por abusos sexuais a unha menor, logo do acordo de conformidade entre as distintas partes antes do xuízo que se ía a celebrar este martes na Audiencia Provincial.
Nun principio, a Fiscalía requiría seis anos de prisión –que se viron reducidos a dous– e a unha indemnización de 20.000 euros, cantidade da que o procesado abonou a metade, sobre 10.000 euros. Os feitos remóntanse ao verán de 2019, cando se produciron eses abusos que agora asume este veciño de Lugo, que ten 41 anos de idade.
A pequena tiña 10 anos cando se produciron os abusos por parte do agora xa condenado, que –de acordo co relato de Fiscalía– se prevaleceu dunha amizade coa familia para estes accesos carnais.
O avogado, que por orde do seu cliente non puido revelar a súa identidade, precisou sobre a entrada en prisión que é o que van tratar de evitar, aínda que o home conta con antecedentes penais pero non por feitos similares.
