InicioLugo e contornaPortomarínAberta a investigación polo accidente dun globo aerostático en Portomarín

Aberta a investigación polo accidente dun globo aerostático en Portomarín

A consecuencia do accidente, tres dos pasaxeiros resultaron feridos leves, mentres os outros sete tripulantes e o piloto resultaron ilesos.

PUBLICADA O

- Advertisement -

A Comisión de Accidentes e Incidentes de Aviación Civil, dependente do Ministerio de Transportes, abriu investigación polo sinistro de globo aeroestático ocorrido o pasado sábado, 14 de maio, no municipio de Portomarín, onde tivo que aterrar de emerxencia.

Segundo figura nas pescudas preliminares, a falta do informe técnico que se publicará coas conclusións da investigación, o globo Cameron Z-250, operado por Globos Boreal, “sufriu un descenso incontrolado mentres se atopaba en fase de cruceiro, o que provocou que terminase impactando contra o terreo nunha zona boscosa”.

Durante o descenso, nun accidente ocorrido ás 10,30 horas, “o globo impactou contra un poste de cemento dun tendido eléctrico, derrubándoo”. A consecuencia do accidente, tres dos pasaxeiros resultaron feridos leves, mentres os outros sete tripulantes e o piloto resultaron ilesos. O globo sufriu danos menores na barquilla.

Segundo informou o 112 Galicia, o globo tivo que aterrar de forma brusca nunha zona arboredo debido a un golpe de vento. O piloto do aeróstato viuse obrigado a levar o artefacto ao chan por unha treboada que afectaba o lugar por onde viaxaban. Ocorreu nas proximidades de Soengas de Abaixo, en Portomarín.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...