A Asociación de Gaiteir@s Galeg@s organizará o vindeiro domingo 8 de maio as IX Xornadas sobre Baile Tradicional, que terán lugar na Centrad de Lugo en horario de 10.30 horas a 14.00 horas e de 17.00 horas a 18.30 horas. Segundo explican dende a plataforma, a xornada está pensada tanto para os profesionais do mundo da danza, como para todos aqueles interesados no baile galego.
“Na xornada, contaremos con obradoiros prácticos impartidos por Pedro Brañas, Carme Campo, Chus Caramés e Luis Prego”, inciden dende a organización, subliñando tamén que entre os obradoiros haberá un descanso de 12:00 a 12:30 e un máis amplo para a pausa do mediodía.
“Os obradoiros destas xornadas, patrocinadas pola Secretaría Xeral de Cultura da Xunta de Galicia e que contan coa colaboración do CENTRAD, están pensadas para que os asistentes podan completar os seus coñecementos sobre baile tradicional e participar de xeito activo na mellora e dinamización da nosa tradición”, subliñan.
PROGRAMA
10.15 – Apertura
10.30 – Obradoiro I: “O baile en Silvela” – Pedro Brañas
12.00 – Descanso
12.30 – Obradoiro II: “Tornando ao bailar do Porriño” . Carme Campo e Chus Caramés.
14.00 – Remate sesión da mañá
17.00 – Obradoiro III: “O baile no Val do Dubra” – Luís Prego
