O presidente da Deputación de Lugo, José Tomé Roca, visitou este martes o expositor solidario instalado na Praza de San Marcos, en Lugo, para a recadación de fondos en apoio aos nenos e nenas de Ucraína.
Trátase dunha iniciativa solidaria, organizada por Unicef e impulsada pola Confederación de Empresarios de Lugo e a Federación de Asociacións de Veciños da provincia e coa colaboración da institución provincial e do Concello de Lugo, que pon á venda 3.000 camisetas.
Na visita, o presidente da Deputación estivo acompañado da deputada de Promoción do Territorio e Turismo, Pilar García Porto, e o deputado de Promoción Económica e Social, Pablo Rivera Capón.
Así mesmo, nunha nota de prensa, a institución provincial puxo en valor que respondeu “desde o primeiro momento” ante os efectos da invasión de Ucraína polas tropas rusas e, nese sentido, destacou que xa aprobaron unha axuda económica directa de 10.000 euros e tamén unha achega de material en bens de primeira necesidade por valor de 18.000 euros, a través de Cruz Vermella.
