InicioSociedadeUnha polbeira presidirá a nova praza da Mosqueira

Unha polbeira presidirá a nova praza da Mosqueira

O Goberno de Lugo conta coa colaboración do pintor Jorge Espiral e do escultor Honorio para a elaboración desta imaxe.

PUBLICADA O

- Advertisement -

A escultura dunha polbeira presidirá a nova praza da Mosqueira unha vez estea rematada. O Tenente Alcalde, Rubén Arroxo, presentou, xunto cos concelleiros Alexandre Penas, responsable da concellería de Infraestruturas Urbanas, e Maite Ferreiro, concelleira de Cultura, e cos artistas locais Honorio, escultor, e Jorge Espiral, pintor, a primeira imaxe do traballo que se colocará na Mosqueira unha vez rematen os traballos de peonalización.

Rubén Arroxo destacou que esta intervención será “unha homenaxe a todas as polbeiras que se colocaban nesta zona cada feira de San Froilán”, e engadiu que “esta escultura representará un anaco da historia de Lugo”. A escultura definitiva realizarase en cobre e terá unha altura aproximada de 1.80 metros.

A nova praza da Mosqueira será un espazo multiusos, con zonas verdes e espazo para a realización de actividades culturais e de ocio, na que se respectará a visión dos arcos da Mosqueira e do edificio racionalista do arquitecto Eloy Maquieira. O proxecto foi realizado co obxectivo de avanzar na mellora da percepción visual da Muralla, e a zona inferior, próxima á porta de San Pedro, conta cunha pavimentación novidosa en Lugo, que alterna céspede e baldosas.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...