InicioLugo e contornaLugoLugo avanza na investigación contra o cancro cun kit de diagnóstico

Lugo avanza na investigación contra o cancro cun kit de diagnóstico

A lucense AMSlab suma forzas cunha firma Coruñesa para impulsar o sector.

PUBLICADA O

Galicia segue avanzando na conformación dun tecido produtivo de alto valor engadido co que deixar atrás a roda estival da hostalaría. O grupo empresarial lucense AMSlab, implicado no control de calidade de diferentes sectores, e a coruñesa Nasasbiotech, veñen de crear unha sociedade para implicarse na investigación, desenvolvemento, fabricación e comercialización de produtos e servizos na área da saúde humana e veterinaria, ademais de kits para análises e investigación dirixidos ao sector clínico e hospitalario.
Segundo explican dende as corporacións, este proxecto recolle a investigación e desenvolvementos conxuntos realizados por ambas as sociedades nos últimos anos. “Grazas ao coñecemento adquirido a través dos anos de experiencia, ambas as empresas creamos esta sociedade para cubrir as necesidades da industria”, inciden a respecto dunha iniciativa que carrexará “reforzar o tecido local con empresas do ámbito biotecnolóxico, potenciando o emprego na comunidade autónoma de Galicia e impulsando o sector biotech galego”
Polo momento, a colaboración de ambas as empresas permitiu a posta no mercado do kit  ExoGAG, un novo produto que permite o illamento de exosomas para a investigación de biomarcadores, que poderían axudar aos oncólogos realizar un diagnóstico e seguimento dos seus pacientes mediante biopsia líquida. “A este produto seguiranlle todo un conxunto de produtos e servizos para o sector da saúde humana e veterinaria”, inciden.
“Desde AMSlab estamos moi satisfeitos con este paso, dada a posibilidade de reforzar o noso apoio ao sector clínico, o cal demostrou a súa vital importancia durante estes anos con solucións cun alto compoñente de I+D”, asegura Marcos Engroba, director comercial do laboratorio lucense. Lorena Alonso, directora técnica de Nasasbiotech, afirma que con esta asociación reforzarán o crecemento de ambas as empresas para impulsar a venda de produtos, ademais de ampliar o catálogo de solucións para o sector hospitalario.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...