O Concello de Lugo abonará case 434.000 euros en indemnizacións aos propietarios dos terreos da rúa Alfredo Brañas para poñer fin ao conflito urbanístico aberto no ano 1995.
Segundo informou este martes o goberno local que encabeza a rexedora luguesa, Lara Méndez, a administración local procederá ao pago das contías recollidas no fallo do Tribunal Superior de Xustiza de Galicia (TSXG) que deu a razón aos reclamantes de forma definitiva.
O conflito procede do ano 1994, cando o pleno do concello aprobou o proxecto de expropiación para a urbanización da rúa Alfredo Brañas. Parte dos terreos quedaron sen liquidar tras o reparcelamento da zona, o que levou os afectados a recorrer á vía xudicial.
O procedemento administrativo concluíu coa ratificación por parte do TSXG da sentenza ditada polo Xulgado do Contencioso Administrativo número dous de Lugo.
