InicioSociedadeA veciñanza de Santa Comba denuncia que é "insostible" vivir canda 'Tableros...

A veciñanza de Santa Comba denuncia que é “insostible” vivir canda ‘Tableros Hispanos’

Esta fábrica, que provoca "ruídos constantes e fumes" que invaden a zona, impide habitar "dignamente" nas casas achegadas, di a asociación veciñal 'O Vilar de Santa Comba'.

PUBLICADA O

- Advertisement -

A asociación veciñal ‘O Vilar de Santa Comba’ vén de denunciar as consecuencias que “toda a contorna sofre a diario” por vivir preto da fábrica ‘Tableros Hispanos S.L.U’. Segundo explican, o funcionamento desta empresa provoca ruídos constantes e fumes que invaden a zona e que a veciñanza describe como “un olor a cola que deixa a gorza seca e provoca picor de ollos”. Unha situación, din, “insostible”.

De feito, dende a asociación sinalan que en diversas ocasións a veciñanza tivo que acudir ao centro de saúde polas “molestias físicas” provocadas polo fume. O colectivo recoñece que leva anos reuníndose co responsable de ‘Tableros Hispanos’, Simón Távara, para “buscar unha solución” a esta situación que, explican, provoca que a veciñanza “non poida ter unha vida digna”. “Nesas reunións, a empresa amosou interese e compromiso, pero os prazos nunca se cumpriron, as palabras levounas o vento e anos despois os veciños seguen malvivindo por mor do fume e do ruído da madereira”, sinalan.

A veciñanza explica que as diferentes administracións públicas son coñecedoras da situación “dende hai tempo” e engaden que “festexan a creación de novos postos de traballo”, mais sempre “respectando o dereito da veciñanza a vivir dignamente nas súas casas”. A maiores, a asociación sinala que teñen a sospeita de que a fábrica ‘Tableros Hispanos’ está realizando “vertidos contaminantes ao Río Miño”. Dende o colectivo existe unha preocupación, ademais, pola “disminución de caudal dos pozos”, que, di, pode deberse ao “consumo de auga sen control desta industria”.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...