InicioLugo e contornaLugoDeteñen á parella do lucense acusado de estafar 38.000€ aos bancos

Deteñen á parella do lucense acusado de estafar 38.000€ aos bancos

A Policía Nacional considera que a muller tamén se beneficiou do delito.

PUBLICADA O

- Advertisement -

A Policía Nacional detivo a unha muller veciña de Lugo por estafa, esposa dun arrestado por estafar como empregado de banca máis de 15.000 euros. Supostamente ela tamén se beneficiou co pago de créditos a través das contas dos estafados. O seu arresto prodúcese despois da detención da súa parella o pasado mes de febreiro tras cometer unha estafa bancaria por importe superior a 15.000€ co uso fraudulento de varios cartóns de crédito e da banca electrónica.

E tamén foi detido polos mesmos feitos, pero nunha entidade bancaria diferente noutro municipio da provincia por parte da Garda Civil, cun montante de 23.000 euros. As mesmas fontes policiais destacan que o individuo detido realizou todas estas estafas cando traballaba como empregado das entidades bancarias e foi despedido “por falta de confianza”.

XUÍZO

A parella deste estafador foi detida, xa que constan varios pagos por valor de 1.500 euros de préstamos solicitados pola parella desde as contas dos estafados, destaca a Policía Nacional. Por iso o pasado martes, a muller foi localizada por axentes da Comisaría Provincial, que procederon á súa detención e toma de declaración nas dependencias da rúa Chantada, para ser posta logo en liberdade, á espera de xuízo.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...