InicioSociedadeTres lucenses colaboran co traslado a Madrid de case 100 persoas ucraínas

Tres lucenses colaboran co traslado a Madrid de case 100 persoas ucraínas

Partiron en avión o venres, 4 de marzo, ata Cracovia. Agora atópanse en Francia e contan con chegar á capital do Estado de madrugada, entre as 3,00 e as 4,00 horas.

PUBLICADA O

- Advertisement -

Un matrimonio de fisioterapeutas de Lugo e un amigo deles colaboraron no traslado desde Cracovia, en Polonia, de 98 persoas refuxiadas ucraínas que quedarán en Madrid con familias de acollida. Este tres lucenses partiron en avión o venres 4 de marzo ata Cracovia e agora atópanse en Francia e contan con chegar a Madrid de madrugada, entre as 3,00 e as 4,00 horas.

Un deles, Joaquín Múñoz constatou que había “un día e medio” que saíran de Polonia, en dous autobuses nos que van 47 e 51 ucraínos en senllos autocares. Dos que viaxan con eles “non hai ningún home novo de máis de 15 anos”. “Eles quedaron a combater e o que traemos son moitos nenos, nais“, explicaron, ademais de xente maior.

Son persoas que “deixaron alí todo, que escaparon co posto e son familias que xa foron acollidas durante o nadal ou durante o verán”. Isto fai que “o tema administrativo xa estea xestionado”, comentaron, e cando cheguen a Madrid “irán coas súas familias de acollida que xa están asignadas”.

Joaquín Múñoz precisou que eles colaboraron como voluntarios dunha ONG que fretou os dous autobuses “a través dunha empresa de Sevilla”. De Lugo concretou que participan tres persoas, el e a súa muller, que tamén é fisioterapeuta, e un amigo que se uniu a eles nesta “aventura”. En principio a idea era ir en “furgonetas”, aínda que valoraron que desde Lugo serían “uns 3.500 quilómetros, tardaríase tres días en ir e outro tres días en volver”.

Por iso colleron un avión, “plantáronse” en Cracovia e acabaron colaborando con esa ONG que deixará as persoas en Madrid. Os tres amigos de Lugo volverán este martes á cidade desde a capital do Estado.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...