Paseo guiado gratuito pola arte urbana de Lugo en homenaxe a Diego AS

O domingo 27 de febreiro o guía de turismo Guido Álvarez Parga organiza esta visita en homenaxe ao artista lucense Diego AS, recentemente galardonado como autor do mellor mural do mundo no ano 2021

Un paseo guiado pola Arte Urbana Lucense no pasado verán (Foto: Guido Guía)
Un paseo guiado pola Arte Urbana Lucense no pasado verán (Foto: Guido Guía)

Os paseos guiados pola #ArteUrbanaLucense, unha iniciativa do proxecto Guido Guía en Lugo, comezaron o 12 de outubro do ano 2019. Xa na primeira edición destes paseos Diego AS foi un dos graffiteiros e artistas urbanos lugueses que participou e apoiou a idea.

Dous anos e medio despois, e tralo recoñecemento internacional do mural “Caio Xulio César” como mellor mural do mundo 2021 pola plataforma Street Art Cities (con máis de 60.000 votos), o propio proxecto Guido Guía quere homenaxear a este gran e mozo artista lucense. Será o domingo 27 de febreiro de 16h a 19h, con saída dende a Porta Falsa (dende a parte de dentro, na Praza do Ferrol) e o paseo será gratuíto (necesaria inscrición previa, iso si, no correo guidoguiaturismo@gmail.com)

DEIXAR UN COMENTARIO

Please enter your comment!
Please enter your name here